“Реал”, ПСЖ ва “Ньюкасл” бир футболчини талашмоқда

"Реймс" ҳужумчиси Уго Экитике фаолиятини бошқа клубда давом эттириши мумкин, дея хабар беради журналист Фабрицио Романо.

Манбага кўра, 19 ёшли франциялик футболчига "Ньюкасл" жиддий даъвогарлик қилмоқда. Шунингдек, “Реал” ва ПСЖ ҳам футболчи учун кураш олиб боришга тайёр.

2021/22 йилги мавсумда Экитике “Реймс” сафида 27 та ўйинда майдонга тушиб, ўз ҳисобига 11 гол ва 5 голли узатмани ёздириб қўйган. “Transfermarkt” портали футболчининг нархини 28 миллион еврога баҳоламоқда.

Унинг француз клуби билан шартномаси 2024 йилнинг ёзига қадар амал қилади.