"Реал" 22 турда 11 пенальти ишлаб олди — Ла Лига рекорди такрорланди

"Реал Мадрид" Ла Лиганинг 22-тури давомида 11 та пенальти ишлаб олди. Бу Испания чемпионатининг шу босқичида бир жамоа фойдасига белгиланган энг кўп 11 метрлик зарбалар сони бўйича рекорднинг такрорланиши ҳисобланади.

Бугун мадридликлар "Райо Вальекано"ни 2:1 ҳисобида мағлуб этди. Ғалаба голини Килиан Мбаппе 100-дақиқада пенальтидан киритди.

Шу тариқа, "Реал" 1950/51 мавсумдаги "Барселона" (якунда 12 пенальти), 1978/79 мавсумдаги "Атлетико" (12) ва 2015/16 мавсумдаги "Барселона" (19) натижаларига тенглашди.