"Реал" афсонаси бош мураббийлик фаолиятини бошлаш арафасида

"Ливерпуль", "Реал" ва "Бавария" каби гранд жамоаларда тўп тепган собиқ футболчи Хаби Алонсо бош мураббийликка тайинланиши мумкин. Унга Бельгиянинг "Брюгге" клуби шу вазифани ишониб топширмоқчи.

"HLN" нашрига кўра, Бельгия клуби уни тез орада бош мураббий сифатида таништиришни мақсад қилган. "Брюгге"нинг собиқ бош мураббийи Альфред Шрейдернинг "Аякс"га ўтиб кетгани сабаб раҳбарият тез қарор қабул қилишга мажбур бўлмоқда. 

Маълумот учун Алонсо 2017 йилда футболчилик фаолиятига якун ясаган. Кейин у "Реал Сосьедад"нинг ёшлар жамоасида мураббий бўлиб ишлаган. Сўнг "Реал" ёшлари бош мураббийи этиб тайинланганди.