“Реал” Анчелотти ўрнига ҳеч ким кутмаган мураббийни олиб келмоқчи

“Реал” раҳбарияти ўтган йилги муваффақиятларга қарамай, бош мураббий Карло Анчелотти билан хайрлашиш фикрида собит турибди.

TodoFichajes нашри раҳбарият бир неча номзодлар рўйхатини тузиб чиққанини ёзди. Унга кўра, жамоани қабул қилиб олишга Маурисио Почеттино асосий номзод бўлиб турибди.

“Қироллик клуби” мутасаддилари аргентиналик мутахассис испан футболини яхши билиши ва профессионал тажрибаси катта эканини инобатга олиб, жамоани айнан Почеттинога топширмоқчи.

Бундан ташқари, Маурисионинг ўзи ҳам “Сантьяго Бернабеу” мезбонига айланишни орзу қилишини ҳеч қачон яширмаган. Бу мураббий ўтган йили ёўда ПСЖни тарк этганидан бери ишсиз ҳисобланади.