“Реал” Англиядан қимматбаҳо футболчи олиб келадиган бўлди

Италия миллий терма жамоаси ва “Ньюкасл” клуби ярим ҳимоячиси Сандро Тонали фаолиятини Испания чемпионатининг энг қудратли клубларидан “Реал”да давом эттириши мумкин.

Мадридликлар бу футболчига жиддий қизиқиш билдирмоқда ва уни ёзги трансфер ойнасида ўз сафларига қўшиб олишни режалаштиряпти.

Бу ҳақда TuttoJuve хабар бермоқда.

Манба маълумотига кўра, “Қироллик клуби” ушбу трансфер учун 75 миллион евро  ажратишга тайёр. Аввалроқ, Тоналини Лондоннинг “Арсенал” ҳамда “Манчестер Сити” клублари ҳам нишонга олгани ҳақида хабарлар тарқалган эди.

25 ёшли Тоналининг “Ньюкасл” билан шартномаси 2028 йил ўрталарига қадар амал қилади. Transfermarkt портали футболчининг трансфер қийматини 75 миллион евро деб баҳолаётган бўлса-да, “Ньюкасл” уни анча қиммат нархга сотишни мўлжаллаяпти.