“Real” armonda qolishi mumkin. “Barsa” Mbappeni olish yo‘lini topdi

“Pari Sen-Jermen” rahbariyati jamoaning asosiy to‘purar Kilian Mbappeni o‘z safida olib qolishga urinayotgan bir paytda 23 yoshli hujumchiga yana bir jiddiy xaridor chiqdi.

Mbappe parijliklarning biror taklifini qabul qilgani yo‘q. Unga asosiy da’vogar sifatida “Real” tan olingan.

Biroq, madridliklar ham o‘z orzusiga erisha olmasligi mumkin. Bir necha manbalarning ta’kidlashicha, “Barselona” prezidenti Joan Laporta Mbappeni olish uchun etarli mablag‘ topdi.

Ma’lumotlarga qaragada, kataloniyaliklar  yangi homiysi Spotify kompaniyasidan har yili 70 million evro oladigan bo‘ldi. Shuningdek, Goldman Sachs  kompaniyasi “Barselona”ga 595 million evro miqdorida kredit ajratishga rozi bo‘lgan.

Bu summa Laportaga har qanday o‘yinchini sotib olish imkonini beradi.