“Реал” армонда қолиши мумкин: Мбаппега янги даъвогар чиқди

“Реал” раҳбарияти Килиан Мбаппенинг трансферини тезроқ ҳал қилмаса, бу ҳужумчини қўлдан чиқариши мумкин.

ПСЖ ҳужумчисига “Ливерпуль” ҳам даъвогарлик қила бошлади. “Қироллик клуби”дан фарқли равишда ливерпулликлар Мбаппенинг келаси ёзда эркин агентга айланишини кутмоқда. Табиийки, трансферга пул сарфламаганидан кейин “Ливерпуль” ҳужумчининг ўзига кўпроқ маблағ бериш имконига эга бўлади.

Таъкидлаш жоизки, Лионель Месси келганидан кейин Килиан Мбаппенинг ўзини тутиши ўзгариб қолди. Куни кеча ёш ҳужумчи ПСЖ таклиф қилаётган олти йиллик янги шартномани имзоламаслигини маълум қилди. Бундан ташқари, Мбаппе жамоа ўйинчилари даврасига қўшилмай қўйган.

Ўтган мавсумда Килиан Мбаппе барча турнирларда 47 та учрашув ўтказиб, 42 та гол урди ва 11 та голли пас оширди.