“Реал” ашаддий рақиб – “Барса” чемпионлигига қандай муносабат билдирди?
Ўтган мавсум чемпиони – “Реал” ўз унвонини муносиб ҳимоя қила олмади. Жорий мавсумни юқори даражада ўтказган “Барселона” чемпионлик пойгасида мадридликлардан ўзиб кетди ва муддатидан олдин бош совринга эга чиқди.
“Реал” раҳбарияти “Барселона”нинг чемпионлигига муносабат билдирди.
- 2022-2023 йилги мавсумда Испания чемпиони бўлган “Барселона”ни табриклаймиз, - деб баёнот тарқатди “Реал” клуби ўзининг твиттердаги саҳифасида.
Бу “Барселона” тарихидаги 27-чемпионлик унвони ҳисобланади. Мазкур кўрсаткич бўйича каталонияликлар ҳамон “Реал”дан ортда қолмоқда. “Қироллик клуби” футболчилари ўз тарихида жами 35 маротаба Ла Лига ғолиби бўлган.
Фикрлар