“Реал” ашаддий рақиби “Барселона”ни қўллаб-қувватлади

“Реал” футболчилари “Валенсия”га қарши ўтказилган учрашувда тузалмас дардга чалинган “Барселона”нинг собиқ мураббийи Хуан Карлос Унсуэни қўллаб-қувватлади.

Ўйин бошланиши олдидан ҳар икки жамоа сардорлари - Серхио Рамос ва Даниэль Парехо “Унсуэ – биз сиз билан” ёзуви акс эттирилган футболкани кўтарди.

53 ёшли Унсуэга ён томонлама амиотрофик склероз ташхиси қўйилган. Бу касаллик вақт ўтиши билан фалажликка олиб келади.