"Реал" асосий футболчисини номаълум муддатга йўқотди

"Реал" ярим ҳимоячиси Лука Модрич жароҳат олиб сафдан чиқди. Бу ҳақда Marca нашри хабар тарқатмоқда.

Юқоридаги манбага кўра, хорватиялик футболчи мушакларида оғриқ ҳис қила бошлаган ва шу сабабли машғулотларни ўтказиб юборган. У тез орада чуқурлаштирилган тиббий кўрикдан ўтказилади ва шундан сўнг, унинг жароҳати қай даражада экани маълум бўлади. Аммо у 23 декабрь куни “Гранада”га қарши бўлиб ўтадиган ўйинни аниқ ўтказиб юборади.

35 ёшли Модрич жорий мавсум “Реал” сафида жами 20 та ўйинда майдонга тушди ва 3 та гол ҳамда 1 та голли узатмага муаллифлик қилди. Унинг клуб билан амалдаги шартномаси жорий мавсум якунида ўз ниҳоясига етади.