"Real" Azar va Asensio o‘rniga "Chelsi"dan o‘rinbosar topdi

"Real" yozgi transferga hozirlik ko‘rmoqda. Katta ehtimol bilan hujumkor Eden Azar va Marko Asensio Madrid klubini birdaniga tark etadi. "El Nacional" nashri xabariga ko‘ra, "qirollik klubi" ushbu futbolchilarning o‘rini Meyson Maunt bilan to‘ldirmoqchi.

Mauntning "Chelsi" bilan amaldagi shartnomasi 2024 yilning o‘rtalariga qadar tuzilgan. Oldinroq London klubi o‘z shogirdi bilan moliyaviy shartlar bo‘yicha kelisha olmagani va shu bois shartnoma uzaytirilishi dargumon ekani xabar qilingandi. 24 yoshli Maunt "Liverpul" bilan jiddiy bog‘langan.

Ma’lumot uchun, 2022/2023 yilgi mavsumda Meyson 32 ta o‘yinda ishtirok etib, 3 ta gol urdi va sheriklariga 6 ta golli uzatmani amalga oshirdi.