"Реал" Азарнинг ўрнига кимни олиб келиши маълум

Леверкузеннинг "Байер" клуби ярим ҳимоячиси Мусса Диаби “Реал”нинг қизиқишлар доирасига кириб қолди.

Мадрид клуби раҳбарияти 22 ёшли франциялик футболчини жамоа сафида кўрмоқчи. "Реал" Мусса Диабига эътибор қаратмоқда, аммо агар баъзи ўйинчилар “қироллик клуби”нини тарк этса, ушбу трансфер янада ҳақиқатга яқин келади.

Хусусан, гап ярим ҳимоячи Эден Азар ҳақида кетмоқда, у амалда "Реал"да ўйнай олмаяпти. Шу боис бельгиялик футболчи мавсумлар оралиғида бошқа жамоага йўл олиш эҳтимоли юқори.

Диабининг трансфер нархи эса 50 миллион еврога баҳоланмоқда. Диаби жорий мавсум Бундеслиганинг 30 та ўйинида 9 та гол урди ва 8 та голли узатмани амалга оширди.