“Реал” “Барса” кучайганидан хурсанд

“Реал” президенти Флорентино Перес жамоанинг ашаддий рақиби “Барселона” ҳақида фикр билдирди.

- Ҳар бир жамоа яхши ёки ёмон ўйнаган мавсумлар бўлади. “Барселона” эса “Реал” билан жаҳон футболида муҳим ўрин тутадиган жамоалардан.

“Барселона” аввалги мавқеига кўтарилиши керак. Бу ҳаммамизга ва жаҳон футболига зарур ҳолат. Биз ҳаётимиз давомида ҳамма нарсани юта олмаймиз. Лекин ҳар доим мухлисларимиз ишончини оқлаш ва уларни хурсанд қилиш ҳаракатидамиз, - деди "Реал" раҳбари Флорентино Перес.

Эслатиб ўтамиз, “Реал” ўз тарихида ички ва халқаро мусобақаларда 98 та совринни қўлга киритган. “Барселона”да бу кўрсаткич 97 тани ташкил қилмоқда.