“Реал” “Барса”ни нокаутга учратди. Лаутаро Мадридга келади
“Реал” раҳбарияти “Барселона” орзусидаги Лаутаро Мартинесни трансфер қилишга тайёрланмоқда. Каталонияликлар футболчининг бадал пулини тўлаш ўрнига турли вариантларни илгари сураётган бир пайтда ашаддий рақиб масалани “Интер” истаганидек ҳал қилмоқчи.
Маълумотларга қараганда, “Реал” вакиллари Лаутаронинг агенти билан учрашиб, трансферни амалга ошириш бўйича таклифларини билдирган.
Аргентиналик футболчининг шартномасида қайси жамоа июнь ойи охиригача 111 миллион евро тўласа Мартинесни қўлга киритиши белгилаб қўйилган.
Шу боис, каталонияликлар трансфер масаласида харажатга рози бўлмаса, миланликлар футболчини Мадридга жўнатишни режалаштирмоқда.
Фикрлар