"Реал" бирданига "Сити"нинг икки ҳимоячисини олиб кетмоқчи

Мадриднинг "Реал" клуби ҳимоя чизиғини кучайтириш мақсадида "Манчестер Сити" таркибида ҳаракат қилаётган Рубен Диаш ва Матеуш Нуньешни қўлга киритиш имкониятини кўриб чиқмоқда. 

"Қироллик клуби"нинг янги бош мураббийи Жозе Моуринью айнан шу икки португалиялик футболчини жамоага олиб келиш тарафдори экани айтилмоқда. 

Бу ҳақда Caught Offside нашри хабар берди.

Манба маълумотига кўра, "Манчестер Сити" раҳбарияти ҳозирча Диаш ва Нуньешни сотиш ниятида эмас. Шу билан бирга, Хосеп Гвардиола бош мураббийлик лавозимини тарк этганидан кейин уларнинг клубдаги келажаги ноаниқлигича қолмоқда. 

Айтилишича, испаниялик мутахассиснинг кетиши жамоадаги айрим футболчилар учун катта зарба бўлган, аммо бу рўйхатга Диаш ва Нуньеш кирадими-йўқми, аниқ эмас.