"Реал" бош мураббийи Анчелотти фирибгарликда айбланмоқда

"Реал" Мадрид жамоаси бош мураббийи Карло Анчелотти солиқ тўлашдан бўйин товлаганликда айбланмоқда. Бу ҳақда "El Mundo" нашри хабар бермоқда.

Манбага кўра, 64 ёшли мутахассис 400 минг еврони декларация қилмаган. 2014 йилда Карло “қироллик клуби"да илк бор ишлаганида, у имиж ҳуқуқидан тушган даромаднинг бир қисмини яширган. Шу муносабат билан Анчелотти молиявий фирибгарлик иши бўйича судга чиқади.

Маълумот учун, Анчелотти 2021 йилнинг ёзидан буён "қаймоқранглилар" бошқарувида ишламоқда.