“Реал” бу ҳужумчининг ҳаракатларини кузатишда давом этади

"Реал" Мадрид вакиллари "Реал Сосьедад" раҳбариятидан ҳужумчи Александр Исак билан боғлиқ вазиятдан хабардор қилиб туришларини сўрашди.

Олдинроқ мадридликлар Исак бўйича таклиф билан чиқмоқчи экани ҳақида маълумотлар пайдо бўлганди, кейин эса пойтахт клуби таркибдаги футболчиларга ишонч билдиришга қарор қилди.

Бироқ, "Реал" швециялик ҳужумчининг ҳаракатларини кузатишда давом этмоқда, деб хабар беради “Mundo Deportivo”. Агар бошқа клублар томонидан унга қизиқиш бўлса, "қаймоқранглилар" футболчи учун курашга киришишга тайёр.

Исакнинг нархи 90 миллион еврога баҳоланмоқда.

Ўтган мавсумда футболчи Испания чемпионати доирасидаги 32 та ўйинда майдонга тушиб, ўз ҳисобига 6 та гол ва 2 та голли узатмани ёздириб қўйган.