“Real” chempionatni aniqa rekord bilan yakunladi

“Real” Ispaniya chempionatining so‘nggi uchrashuvida “Betis” bilan durang o‘ynadi. Bellashuvda hisob ochilmadi.

Shu tariqa, madridliklar bu galgi chempionatda “quruq” uchrashuvlar sonini 21 taga etkazib oldi.

Bu ko‘rsatkich yangi rekord sifatida qayd etildi. “Qirollik klubi” o‘z tarixida  eng ko‘p “quruq” o‘yin o‘tkazish bo‘yicha rekordini yangiladi.

Avval 1986/1987, 1987/1988 va 2019/2020 yillardagi mavsumlarda “Real” darvozabonlari 19 tadan uchrashuvda to‘p o‘tkazmagan edi.

Jamoaning asosiy darvozaboniga aylanib olgan Andrey Lunin 21 ta uchrashuvda 10 tasida o‘z darvozasi daxlsizligini saqlab qoldi. Qolgan “quruq” o‘yinlar Tibo Kurtua va Kepa Arrisabalaga hisobiga to‘g‘ri keldi.