“Реал” дунё футболи тарихидаги энг қиммат формани яратмоқда

​Дунёдаги энг машҳур клуб — “Реал Мадрид” ўз футболкаларининг нархини осмонга кўтаришга қарор қилди. Гап футболканинг дўкондаги нархи ҳақида эмас, балки ундаги ҳомийлар тўлайдиган пул ҳақида кетмоқда.

Яқинда спорт нашрларида бир маълумот тарқалди: “Реал”нинг ғазнасида нақд пул камайиб қолибди (атиги 3,4 млн евро). Хавотирга ўрин йўқ, клубнинг бойлиги миллиардлаб еврони ташкил этади, лекин харажатлар ҳам жуда катта.

Ўтган ёзда жамоани кучайтириш учун 165 миллион евро сарфланди. Машҳур “Сантьяго Бернабеу” стадионини таъмирлаш ишлари ҳали ҳам катта маблағ талаб қилмоқда.

Клуб президенти Флорентино Перес вазиятдан чиқиш йўлини топди. Ҳозирда “Реал” ўз формаси орқали йилига 260 миллион евро ишлаб топади. Бу дунёдаги энг катта кўрсаткич бўлиб, “Манчестер Юнайтед” ва “Барселона”никидан анча кўп.

Лекин Пересга бу ҳам кам! У ушбу суммани 300 миллион еврога етказмоқчи.

​Кимлар пул тўлайди?

​Emirates (авиакомпания) — асосий ҳомий билан янги ва қимматроқ шартнома тузилади.

​Adidas — кийим етказиб берувчи бренд ҳам кўпроқ тўлаши керак бўлади.

​HP — форманинг енгидаги реклама учун ҳам нархлар ошади.

Хуллас, яқин орада “Реал Мадрид” футболкаси дунё футболи тарихидаги энг қиммат “реклама майдони”га айланади.