"Реал" Эриксен учун 50 млн евро ва бир футболчисини беришга тайёр

"Тоттенхэм" клуби ярим ҳимоячиси Кристиан Эриксеннинг жорий трансферлар даврида "Реал"га ўтиши ҳақиқатга яқин турибди.

The Sun нашри тарқатган хабарга қараганда "галактикослар" 27 ёшли даниялик футболчи учун ўз таклифларини тайёрлашган. Унга кўра мадридликлар Эриксен учун “шпорлар”га 50 миллион евро ва ярим ҳимоячи Дани Себальосни беришга тайёр.

Эслатиб ўтамиз, Эриксеннинг “Тоттенхэм” билан амалдаги шартномаси яна бир йилдан сўнг ўз ниҳоясига етади.