"Реал" футболчилари Неймарнинг "мазасини қочирди"

 

 

"Барселона" мураббийлар штаби жамоанинг бразилиялик ҳужумчи Неймарга бир неча кун дам олишига рухсат берди.

 

Бразилиялик суперфутболчи Испания чемпионатида "Реал"га қарши ўтказилган учрашувнинг 87-дақиқасида ўзини ёмон ҳис қилгани учун захирага олинган эди. Тиббий кўрик натижасида Неймар жароҳатга йўлиқмаган бўлса-да, кучли зўриқиш туфайли оёқ пайларида чарчаш аломатлари борлиги аниқланди. "Реал" футболчилари билан рақобатда бу омил ўз таъсирини ўтказди.

 

Энди Неймар физиотерапия ёрдамда даволанади ва майдонга қачон қайтишини тиббиёт ходимлари айтади.