“Реал” футболчини келган жойига қайтариб юборади

“Қироллик клуби”да ўз ўрнини топа олмаган ҳужумчи Лука Йович фаолиятини ижара асосида Бундеслигада давом эттирадиган бўлди.

Сербиялик ҳужумчи илгари ўзи ўйнаган “Айнтрахт” клубига қайтиб боради. Буни Бундеслига клуби ҳам тасдиқлади. Йович эски жамоаси таркибида мавсум охиригача тўп тепади.

Аввалроқ, мадридликлар бу ҳужумчини “Манчестер Юнайтед”га таклиф қилган эди. Бироқ, Сульшер бу трансферга кўнмади.

Йович 2019 йили “Реал”га “Айнтрахт”дан 63 миллион евро эвазига олиб келган эди. Жорий мавсумда у Ла Лигада тўртта ўйин ўтказиб, ҳеч қандай натижа кўрсата олмади.