“Реал” футболчиси Ла Лиганинг бошқа клубига ўтиши мумкин

"Реал" ҳимоячиси Начо Фернандеш фаолиятини "Севилья"да давом эттириши мумкин. “El Chiringuito” нашри хабарига кўра, Андалусия клуби 32 ёшли испанияликнинг вакиллари билан трансфер борасида боғланишган.

Футболчининг ўзи "Реал"да қолишни истамоқда. Мадрид клуби эса Начо билан шартномани узайтириш бўйича музокара олиб бормоқда.

Начонинг “қироллик клуби” билан шартномаси 2023 йилгача амал қилади. “Trasnfermarkt” портали футболчининг нархини 7 миллион еврога баҳоламоқда.

Ўтган мавсумда Начо “Реал”нинг барча мусобақалар доирасидаги 41 баҳсда майдонга тушиб, ўз ҳисобига 3 та гол ёздириб қўйган.