“Реал” футболчиси шартномани бекор қилишдан бош тортмоқда

Мадриднинг «Реал» клуби ярим ҳимоячиси Дани Себальос ҳозирча жамоадан ҳеч қаерга кетишни истамаяпти.

«Қироллик клуби» 29 ёшли футболчига ишонмаяпти ва у билан шартномани муддатидан олдин бекор қилишни истайди. Бироқ ярим ҳимоячини бу вариант қониқтирмаяпти.

El Chiringuito нашри маълумотига кўра, Себальос ҳамкорликни тўхтатишга розилик бермоқчи эмас. Унинг шартномаси келаси йил ўртасигача амал қилади.

Дани Себальос 2017 йилдан буён «Қироллик клуби» шарафини ҳимоя қилиб келмоқда. Ўтган мавсумда испаниялик футболчи барча мусобақаларда атиги 23 марта майдонга тушиб, самарали ҳаракатларни амалга ошира олгани йўқ. Transfermarkt унинг қийматини 7 миллион евро деб баҳоламоқда.