«Реал»га «Бавария»нинг машҳур ҳимоячиси қизиқ, аммо муаммо бор

Мадриднинг «Реал» жамоасида яна «Бавария» таркибида тўп суриб келаётган чап қанот ҳимоячиси Альфонсо Дэвисни олиш ғояси кун тартибига қайтди.

Канада терма жамоаси аъзоси узоқ вақт давомида «қироллик клуби»нинг асосий трансфер мақсадларидан бири сифатида тилга олиб келинган эди. Бироқ у мюнхенликлар билан шартномасини 2030 йилгача узайтиргач, мадридликлар билан боғлиқ миш-мишлар сезиларли даражада пасайганди. Madrid Universal нашри хабарига кўра, «Реал» раҳбарияти Дэвисни яна ўз сафига қўшиб олиш имкониятини ўрганмоқда, аммо 25 ёшли футболчининг юқори маоши туфайли бундай битим амалга ошиши жуда қийин кўринмоқда. Шу билан бирга, «қироллик клуби»нинг янги бош мураббийи Жозе Моуринью канадалик ҳимоячининг маҳоратига катта баҳo бериши қайд этилмоқда.

Transfermarkt портали баҳосига кўра, Альфонсо Дэвиснинг бозор қиймати 40 миллион еврони ташкил этади. Ўтган мавсумда у Венсан Компани бошқарувидаги жамоа сафида 23 ўйинда майдонга тушиб, бир гол урди ва бешта голли узатма муаллифига айланди.