«Real»ga «Bavariya»ning mashhur himoyachisi qiziq, ammo muammo bor

Madridning «Real» jamoasida yana «Bavariya» tarkibida to‘p surib kelayotgan chap qanot himoyachisi Alfonso Devisni olish g‘oyasi kun tartibiga qaytdi.

Kanada terma jamoasi a’zosi uzoq vaqt davomida «qirollik klubi»ning asosiy transfer maqsadlaridan biri sifatida tilga olib kelingan edi. Biroq u myunxenliklar bilan shartnomasini 2030 yilgacha uzaytirgach, madridliklar bilan bog‘liq mish-mishlar sezilarli darajada pasaygandi. Madrid Universal nashri xabariga ko‘ra, «Real» rahbariyati Devisni yana o‘z safiga qo‘shib olish imkoniyatini o‘rganmoqda, ammo 25 yoshli futbolchining yuqori maoshi tufayli bunday bitim amalga oshishi juda qiyin ko‘rinmoqda. Shu bilan birga, «qirollik klubi»ning yangi bosh murabbiyi Joze Mourinyo kanadalik himoyachining mahoratiga katta baho berishi qayd etilmoqda.

Transfermarkt portali bahosiga ko‘ra, Alfonso Devisning bozor qiymati 40 million yevroni tashkil etadi. O‘tgan mavsumda u Vensan Kompani boshqaruvidagi jamoa safida 23 o‘yinda maydonga tushib, bir gol urdi va beshta golli uzatma muallifiga aylandi.