"Реал" ҳимоячиси янги мавсумни ПСЖда бошлаши мумкин

Мадриднинг "Реал" клуби ҳимоячиси Серхио Регилон фаолиятини Франция чемпионатида давом эттириши мумкин. Бу ҳақда RMC Sport нашри хабар тарқатмоқда.

Юқоридаги манбага кўра, 23 ёшли испаниялик футболчининг хизматларига ПСЖ жиддий қизиқиб қолган. Франция чемпиони Регилонни ёзда жамоадан кетадиган Левен Курзава ўрнига муносиб кўрмоқда.

Айтиш керакки, Регилон жорий мавсумни “Севилья” сафида ижарада ўтказмоқда. У Ла Лигада 22 та ўйинда майдонга тушди ва 1 та гол ҳамда 4 та голли узатмага муаллифлик қилди.