“Реал” ҳужумчиси таклиф кутяпти

Мадридликларнинг асосий таркибига кира олмаган ёш ҳужумчи Лука Йович “Реал”дан кетишга қарор қилди. У жорий трансфер бозори ёпилгунча ўзига янги жамоа топмоқчи.

22 ёшли сербиялик ҳужумчи ҳар қандай таклифни кўриб чиқишга, ҳатто ижара асосида тўп суришга тайёрлигини билдирган. Аввалроқ, унга “Милан” жиддий қизиққан эди. Бироқ, трансфер амалга ошмай қолди.

“Реал” раҳбарияти ҳам бир йил муқаддам 60 миллион еврога сотиб олинган Лука Йовичдан тезроқ қутилмоқчи. Шунинг учун, мадридликлар футболчини ижарага беришга ҳам рози. Ҳужумчига “Ньюкасл”, “Арсенал”, “Рома”, “Милан”, “Манчестер Юнайтед” ва “Байер” каби клублардан ҳамон қизиқиш бўлмоқда.