“Реал” ҳужуми даҳшатли кўриниш олади

“Реал” раҳбарияти яна Килиан Мбаппе номзодига қайтди. Мадридликлар имкон бўлиши билан 24 ёшли форвардни ўз сафига қўшиб олади.

Relevo нашрининг маълум қилишича, Мбаппе ўтган йили ёзда Мадридга кўчиб ўтмагани учун “Қироллик клуби” раҳбари Флорентино Пересдан узр сўраган. Испаниялик амалда футболчининг узрини қабул қилиб, унга клуб эшикларини очиб берадиган бўлди.

Манбанинг таъкидлашича, Флорентино Перес “Реал” ҳужум чизиғини сезиларли даражада кучайтирмоқчи. Карим Бензема кетганидан кейин мадридликлар олдинги чизиғида Родриго, Винисиус Жуниор ва Килиан Мбаппедан таркиб топган ҳужум учлиги ташкил этилади.

Шу тариқа, Килиан Мбаппе “Реал”нинг асосий нишонлари қаторига киритилди. Мбаппенинг ўзи ҳам “Қироллик клуби”да ўйнаш орзуси эканини бир неча бор таъкидлаган.