“Реал” ҳужумида Салоҳ ёки Мане ўйнайди!

Испаниянинг Football Espana нашрининг хабар беришича, Килиан Мбаппени қўлдан чиқарган “Қироллик клуби” раҳбарияти ҳужум чизиғига “Ливерпуль”нинг ҳужум тандеми – Муҳаммад Салоҳ ёки Садио Манени олиб келадиган бўляпти.

Ҳар икки африкалик тўпурарнинг ливерпулликлар билан амалдаги шартномаси якунланишига бир йил қолди ва томонлар ҳали янги битимни имзоламагани ёзда бу ўйинчиларни трансфер қилиш эҳтимолини оширади.

Шунга қарамай, “Реал” Муҳаммад Салоҳни танласа, 100 миллион евро, агар Садио Манени олса, 80 миллион евро тўлаши керак бўлади.

Муҳаммад Салоҳ Англия премьер-лигасида 35 та учрашувда 23 та гол билан тўпурарлар пойгасида Сон Хин Мин билан бирга биринчи ўринни эгаллади.

Сади Мане эса якунланган чемпионатда ўз ҳисобига 34 та ўйинда 16 та гол ёздириб қўйди.