“Реал” иккита ҳимоячиси билан хайрлашади

Мадриднинг "Реал" клуби ҳимоячилари Давид Алаба ва Антонио Рюдигер катта эҳтимол билан 2026 йилнинг ёзида клубни тарк этади. Бу ҳақда журналист Николо Скира Х ижтимоий тармоғида маълум қилди.

"Давид Алаба ва Тони Рюдигер мавсум якунида "Реал"ни эркин агент сифатида тарк этишга яқин", - деб ёзади Скира.

Испания чемпионатининг жорий мавсумида 33 ёшли Давид Алаба 6 та ўйинда майдонга тушди. Шунингдек, унинг ҳисобида Чемпионлар лигасида иккита ва Испания кубогида битта ўйин бор. 32 ёшли Антонио Рюдигер Ла Лигасининг 8 та ўйинида иштирок этган. Шунингдек, унинг ҳисобида Чемпионлар Лигасидаги иккита ўйин бор. Ҳимоячилар самарали ҳаракатлари билан кўзга ташланмади.