“Реал” жамоани чемпион қилган Анчелоттидан нега норози?

Италиялик машҳур мураббий Карло Анчелотти ўтган мавсумда “Реал”ни Испания чемпиони ва Европа Чемпионлар лигаси ғолибига айлантирди.

Шунга қарамай, бу мутахассиснинг клуб хўжайинлари билан муносабати кўнгилдагидек эмас. Клуб бошқарувининг айрим вакиллари келаси мавсум олдидан жамоани бошқа мутахассисга топшириш керак, деган фикрни илгари сурмоқда.

Испаниялик журналист Родриго Фаэснинг таъкидлашича, Испания кубогида “Реал” ўз майдонида “Барселона”га енгилганидан кейин бу масала яна кун тартибига қайтарилди. Раҳбарият Анчелоттига тактик ранг-баранг етишмаётганидан норози бўлмоқда. Карло Анчелотти учрашувда “Барселона” ҳимоясини  ёриб ўтиш ва ўйинда бурилиш ясашни уддалай олмади.

Анчелоттининг ўзи шартномаси охиригача Мадридда қолишини таъкидлаган. Унинг битими 2024 йилнинг ёзигача амал қилади.