“Реал” кутилмаган трансферни амалга оширади

“Реал” раҳбарияти ёзда амалга ошириладиган асосий трансфер нишонини белгилаб олди. Кўпчилик кутганидек, бу Килиан Мбаппе ёки Жуд Беллингем бўлмайди.

Мадридликлар мавсум якунланиши билан ўнг қанот ҳимоясига Дензел Дюмфрисни олиб келиш энг асосий мақсад, деб қарамоқда.

“Интер” 26 ёшли нидерландиялик футболчини 40 миллион еврога баҳоламоқда.

Дензел миланликлар  жамоасида 2021 йилдан бери тўп тепиб келади. Шу пайтга қадар у жами 68 та учрашувда майдонга тушиб, ўз вазифасини бажаришдан ташқари, рақиблар дарвозасига еттита тўп киритган ва жамоадошларига ўнта голли пас узатган.