“Реал” кутилмаганда супертрансферга киришди

“Реал” раҳбарияти молиявий инқироз туфайли ёзда Килиан Мбаппени трансфер қила олмаслиги ҳақида хабарлар тарқатилаётган эди. Бироқ, “Қироллик клуби” ПСЖга ажойиб схема таклиф қиляпти.

Унга кўра, мадридликлар парижликларга Килиан Мбаппе учун Эден Азар ва унга қўшимча тарзда 80 миллион евро  таклиф қилмоқда. ПСЖ 22 ёшли ҳужумчининг трансферини 150 миллион еврога баҳолаган.

Яқинда Мбаппе ПСЖнинг янги шартномаси бўйича бир қарорга келиш арафасида турганини айтганидан кейин “Реал” ҳам ҳаракатга тушиб қолди.  Эденга қўшимча тарзда бериладиган пулни топиш учун мадридликлар Винисиус Жуниорни сотувга қўймоқчи.

Нархи 50 миллион еврога баҳоланаётган бразилиялик футболчига “Арсенал” ва “Ливерпуль”дан таклиф бор.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар