"Реал" Ла Лиганинг ўзидан ёш ҳимоячи топди

"Валенсия" марказий ҳимоячиси Кристиан Москера фаолиятини Испания суперклубида давом эттириши мумкин.

"Todofichajes" нашрининг хабар беришича, 20 ёшли футболчининг хизматларига Мадриднинг "Реал" клуби қизиқиш билдирмоқда.

Маълумотларга кўра, "қироллик клуби" ёзги трансферлар ойнасида футболчини ўз сафига қўшиб олишга уриниб кўриши мумкин. Москеранинг трансфер нархи 30 миллион еврога баҳоланмоқда. Ҳимоячининг "кўршапалаклар" билан шартномаси 2026 йилнинг июнь ойи охиригача мўлжалланган. 

Маълумот учун, Ла Лиганинг жорий мавсумида Кристиан 23 та баҳсда майдонга тушди. Мазкур беллашувларда ҳимоячи битта гол урди.