Мюнхеннинг "Бавария" клуби форварди Роберт Левандовски “Реал” билан шахсий келишувга эришган. Бу ҳақда El Mundo Deportivo нашри хабар бермоқда.

Гарчи бундан аввалроқ немис гранди 29 ёшли польшалик футболчини сотмоқчи эмаслиги ҳақида хабарлар тарқалган бўлсада, “қироллик клуби” у билан келишиб олган. Бироқ, “Реал” ҳозирча бу масалада “Бавария” билан музокараларни бошлаганича йўқ.

Маълумот учун, Левандовски жорий мавсум мюнхенликлар сафида жами 37та баҳсда иштирок этган ва ўз ҳисобига 32та гол ҳамда 4та голли узатма оширишга муваффақ бўлган.