"Real" Madrid 5 karra UEFA Superkubogi g‘olibiga aylandi!

UEFA Superkubogidan o‘rin olgan "Real" - "Ayntraxt" o‘yini yakuniga etdi. Unda madridliklar ishonchli 2:0 hisobida zafar quchdi. 

Dastlab 37-daqiqada Alaba uchrashuvda hisobni ochdi. Keyinchalik ikkinchi bo‘limning 65-daqiqasida Benzema jamoasining ikkinchi golini kiritdi. 

Shu tariqa, "qirollik klubi" o‘z tarixida 5-marotaba mazkur turnir g‘olibligini qo‘lga kiritdi va eng ko‘p g‘alaba qozongan jamoalar qatoridan joy oldi. Shuningdek, jamoa bosh murabbiyi Karlo Anchelotti Evropa Superkubogida eng ko‘p zafar quchgan mutaxassisga aylanib oldi.