"Реал" Мадрид 5 карра УЕФА Суперкубоги ғолибига айланди!

УЕФА Суперкубогидан ўрин олган "Реал" - "Айнтрахт" ўйини якунига етди. Унда мадридликлар ишончли 2:0 ҳисобида зафар қучди. 

Дастлаб 37-дақиқада Алаба учрашувда ҳисобни очди. Кейинчалик иккинчи бўлимнинг 65-дақиқасида Бензема жамоасининг иккинчи голини киритди. 

Шу тариқа, "қироллик клуби" ўз тарихида 5-маротаба мазкур турнир ғолиблигини қўлга киритди ва энг кўп ғалаба қозонган жамоалар қаторидан жой олди. Шунингдек, жамоа бош мураббийи Карло Анчелотти Европа Суперкубогида энг кўп зафар қучган мутахассисга айланиб олди.