"Real Madrid" futbolchisi YEChLda haftalik eng yaxshi oʻyinchi deb topildi

UEFA rasmiy sayti orqali madridning "Real" klubi vingeri Vinisius Zhunior Chempionlar ligasida haftaning eng yaxshi futbolchisi deb e’tirof etilganini ma’lum qildi.

Braziliyalik hujumchi "Monako"ga qarshi bahsda 1 ta gol urib, 3 ta golli uzatma amalga oshirdi va jamoasining yirik g‘alabasiga katta hissa qo‘shdi.

Ovoz berish jarayonida u "Atletik" yarim himoyachisi Robert Navarroni ( "Atalanta"ga qarshi o‘yinda 1 gol va 2 assist, 3:2), "Barselona" futbolchisi Fermin Lopesni ( "Slaviya"ga qarshi o‘yinda dubly, 4:2)  hamda "Sporting" hujumchisi Luis Suarezni (PSJga qarshi bahsda dubly, 2:1) ortda qoldirdi.

Ma’lumot uchun, joriy mavsum Evropaning eng nufuzli musobaqasida Vinisius 7 ta o‘yinda maydonga tushib, 1 ta gol va 5 assist muallifi bo‘ldi.