"Реал Мадрид" италиялик ҳимоячига кўз олайтирмоқда

"Қироллик клуби" "Интер" ва Италия терма жамоасининг асосий ҳимоячиси бўлган Бастонига катта қизиқиш билдирмоқда, деб хабар беради "Mundo Deportivo" нашри.

Ўтган мавсум миланликларнинг Скудеттони ютишига ўзининг катта ҳиссасини қўшган ҳимоячи учун "Лос-Бланкос" 40 миллион евро атрофида шартнома таклиф қилмоқчи эди. Лекин "Интер" Бастонини 80 миллион евродан камроққа сотиш ниятида эмаслигини билдирди. 

Эслатиб ўтамиз, "Реал Мадрид"  1 август куни "Милан"га қарши учрашув олдидан ўтказилган матбуот анжуманида: "Биз ҳеч кимни сотиб олиш ниятида эмасмиз, жамоани ҳам ҳеч ким тарк этмайди. Мен таркибдан тўлақонли мамнунман, марказий ҳимояга Милитао ҳам қайтди ва тез орада Давид Алаба ҳам сафимизга қўшилади" деб айтиб ўтди "Реал Мадрид" бош мураббийи Карло Анчелотти.