"Реал Мадрид" Мбаппедан воз кечиб, бошқа юлдузга эътибор қаратадиган бўлди

Мадриднинг "Реал" клуби ёзда ҳужумчи Килиан Мбаппени ўз сафига қўшиб ола олмади. 24 ёшли франциялик футболчи жорий мавсумни ПСЖда ўтказишга қарор қилди.

Шу муносабат билан "қироллик клуби" юлдуз футболчини қўлга киритиш уринишларини тўхтатишга қарор қилди ва “Манчестер Сити” ҳужум чизиғи етакчиси Эрлинг Холандга эътибор қаратди. "Todofichajes" нашри хабарига кўра, испан гранди норвегияликни 2024 йилнинг ёзида сотиб олишга уриниб кўради.

Эрлингнинг трансфер нархи 180 миллион еврони ташкил этади ва унинг “шаҳарликлар” билан шартномаси 2027-йилнинг июнь ойи охиригача амал қилади.

Холанд ўтган мавсумда "Манчестер Сити" билан треблни қўлга киритди ва премер-лиганинг энг яхши тўпурари бўлди.