“Реал” Мадрид клуби “Интер” форварди Лаутаро Мартинес учун курашга қўшилди. Бу ҳақда TyC Sports нашри хабар тарқатмоқда.

Юқоридаги манбаага кўра “қироллик клуби” 22 ёшли аргентиналик футболчини шартномасида белгиланган 111 млн евролик товон пули эвазига бўлса ҳам сотиб олишга тайёр. Таъкидлаш керакки, унга “Реал”нинг ашаддий рақиби “Барселона” ҳам жиддий харидор бўлмоқда.

Маълумот учун, Мартинес жорий мавсум “Интер” сафида 28 та ўйинда майдонга тушди ва 16 та гол ҳамда 4 та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)