“Реал” Мбаппедан бошқа ҳужумчи олмайди

“Реал” Килиан Мбаппедан қуруқ қолганидан кейин ёзда бирорта ҳужумчи трансфер қилмайдиган бўлди, деб хабар бермоқда El Partidazo нашри.

Мадридликлар келаси мавсум олдидан ўз тарбияланувчиси Борха Майорални клубга қайтаради. Айни пайтда Борханинг “Рома” билан ижара шартномаси якунланиб бормоқда. Римликлар бош мураббийи Жозе Моуриньога бу ҳужумчининг ўйини маъқул келмагани боис, клуб уни январда “Хетафе”га ижарага жўнатганди.

Шунингдек, “Реал” бош мураббийи Карло Анчелотти Эден Азарга ишонч билдиришга қарор қилган. Бельгиялик ҳужумкор футболчи ўтган мавсумда жароҳатлар туфайли ўзини кўрсата олмади. Клуб раҳбарияти унга яна бир бор имкон бермоқчи.