“Реал” Мбаппедан кейин ПСЖнинг яна бир ўйинчисини олиб кетмоқчи

“Реал” ўтган ёзда Килиан Мбаппени бепул трансфер қилгани “Пари Сен-Жермен” клубига жуда оғир ботди. Франциялик ҳужумчи Париж клубига унинг трансферидан пул ишлаб олиш имконини бермади.

TodoFichajes нашрининг маълум қилишича, ҳимоя чизиғида муаммоларга дуч келаётган “Реал” қишки трансферлар вақтида парижликларнинг яна бир ўйинчисини олиб кетмоқчи.

Маълумотларга кўра, “Қироллик клуби” мутасаддилари Милан Шкриньярни нишонга олган.

29 ёшли словакиялик ҳимоячининг ўзи Луис Энрике келганидан кейин асосий таркибдан чиқарилди. Шкриньяр бу вазиятдан норози ва клуб раҳбариятидан ўзини қишги трансферлар вақтида ижарага қўйиб юборишни сўради.

Милан Шкриньярни қўлга киритиш учун мадридликлар “Ювентус” билан рақобатлашишига тўғри келади. Туринликлар А Серияда катта тажриба тўплаган Шкриньярни анчадан бери ўз сафига қўшиб олишни кўзлаб юрибди.