"Реал" Мбаппедан яна бир йил кутиб туришни сўрамоқда

“Реал” Мадрид ҳали ҳам ПСЖ ҳужумчиси Килиан Мбаппени қўлга киритиш режасидан воз кечмаяпти.

Аммо, “Қироллик клуби” 21 ёшли французни трансфер нархи баланд экани ва юқори маош олиши сабаб, ёзда сотиб ололмайди. Шу туфайли,  мадридликлар ундан яна бир йил кутиб туришни сўраган. Бу ҳақда ABC нашри хабар бермоқда.

Мбаппенинг ПСЖ билан амалдаги шартномаси 2022 йилга қадар имзоланган ва яқиндагина у амалдаги шартномаси якунлангунича Париж клубида қолишини маълум қилган эди.