“Реал” Мбаппенинг жароҳати бўйича баёнот эълон қилди

Испаниянинг "Реал Мадрид" клуби расмий сайтида ҳужумчи Килиан Мбаппенинг жароҳати ҳақида маълумот эълон қилди. Аввалроқ Мбаппе клуб мавсуми якунига қадар майдонга тушмаслиги мумкинлиги хабар қилинганди. Ҳужумчи Испания чемпионати 32-туридан ўрин олган "Бетис"га қарши ўйиннинг 81-дақиқасида алмаштирилди (1:1).

"Бугун "Реал Мадрид"нинг тиббий хизматлари томонидан футболчимиз Килиан Мбаппега нисбатан ўтказилган текширув натижаларига кўра, унга чап оёғининг ярим пай мушаги жароҳати ташхиси қўйилган. Ҳолат динамикада кузатиб борилади", - дейилади клуб хабарида.

Испания чемпионатининг жорий мавсумида 27 ёшли Килиан Мбаппе 28 та ўйин ўтказиб, 24 та гол урди ва тўртта голли узатмани амалга оширди. Шунингдек, Чемпионлар лигасида 11 та ўйин, 15 та гол ва битта голли узатмани амалга оширган.