"Реал" меҳмонда очко йўқотди

Ла Лига 2-туридан ўрин олган "Реал Сосьедад" - "Реал" Мадрид учрашуви якунланди. Унда 0:0 ҳисоби қайд этилди.

Ҳар икки жамоа вакилларида ҳам яхши имкониятлар пайдо бўлганига қарамай, гоҳ дарвозабонлар жонбозлик кўрсатди, гоҳ ҳужумчилар мўлжалда адашди.

• 90+3'
  

  Учрашув якунланди! Матнли трансляцияни Жавоҳир Азимов олиб борди.

• 90+2'
  

  Дарвозабон билан бирга-бир вазиятга чиқиб борган Бензема воеалар ривожидан илгарилаб кетган эди.

• 90+1'
  

  Винисиус ўрнига Аррибас ўйинга қўшилди.

• 90'
  

  Ўйиннинг асосий вақтига 3 дақиқа қўшиб берилди.

• 89'
  

  Андер Гевара ўрнига Урко Гонсалес майдонга тушди.

• 87'

  Сильванинг жарима майдони ташқарисидан берган зарбасини Варан танаси билан қайтарди. Энди у майдонда ётибди.

• 84'

  Майдон эгалари стандарт вазиятдан наф чиқара олмади.

• 81'

  Зиданнинг ўзгартиришлари ўйинни бироз кучайтирди. Биро гол учун камлик қилмоқда.

• 79'

  "Реал" босим уюштиряпти. "Реал Сосьедад" ҳимояда бехато ўйнамоқда.

• 76'
  

  Жуниор воқеалар ривожидан бироз илгарилаб кетди.

• 74'
  

  Мезбонлар сафида Ойарсабаль ва Барренеччеа майдондан олинди. Уларнинг ўрнига Янузай ҳамда Баутиста ўйинга қўшилди.

• 73'

  Мадридликлар майдон марказида тўпни назорат қилмоқда.

• 70'
  

  Модрич, Эдегор ва Родриго ўрнига Вальверде, Каземиро ҳамда Марвин ўйинга қўшилди.

• 68'
  

  Кросснинг айлантириб берган зарбаси хавфли чиқди.

• 67'

  Жамоалар темпни бироз туширишди.

• 64'

  Родригонинг товони билан узатган тўпи дарвозабондан ўтмади.

• 63'
  

  Испан футболи фахрийси Давид Сильва майдонга тушди. Унга Исак ўз ўрнини бўшатиб берди.

• 62'
  

  Бенземанинг жарима майдони ташқарисидан берган зарбасини дарвозабон қайтарди. Ерлатиб берилган бундай зарбалар доим посбонларга муаммо туғдиради.

• 60'

  Винисиуснинг техникаси бу сафар унга панд берди. Қисқа масофада икки рақиб орасига кириш айнан ўша вазиятда хато эди.

• 59'

  Родригонинг тезлиги узатилган тўпга етиш учун камлик қилди. "Реал"нинг ҳужуми узилиб қолди.

• 56'
  

  Карвахалнинг "пушка" зарбасини Ремиро базўр эгаллаб олди.

• 55'

  Жуниор қанотдан тўпни жарима майдони марказидаги Эдегорга оширди. Аммо норвегияликдан аввал "Сосьедад" ҳимоячиси тўпга етиб келди.

• 54'

  Менди тўпга ташланиш баробарида рақибининг оёғини ҳам босиб олди.

• 53'

  Бенземанинг зарбаси йўлига Ариц тўғаноқ бўлди.

• 51'

  Модрич жамоадошига тўпни ўтказиб, ўзи олдинга югурди. Биро шериги уни тушунмади.

• 49'

  Спринтерлик пойгасида устун келган Варанга рақиби қўполлик ишлатди.

• 47'

  Ойарзабалнинг узатмасини Барренеччеа дарвозага йўллади. Тўп бироз ноаниқ кетди.

• 46'

  Иккинчи бўлим бошланди!

• 45'
  

  Ўйиннинг биринчи таймига вақт қўшилмади. Танаффус!

• 43'
  

  Куртуа шерикларининг хатосини моҳирлик билан юва олди. Деярли бирга-бир вазиятдан йўлланган тўпни бельгиялик кипер оёқлари билан қайтарди.

• 42'

  Майдон эгалари бурчак тўпини ўйинга киритишди. Зарба ҳам йўлланди. Аммо Норманн мўлжалда адашди.

• 40'

  Бенземанинг жарима майдони ичидан берган зарбаси хавфли чиқди. Аммо бироз ноаниқ.

• 38'

  Бензема аввал бирга-бир вазиятда дарвозабонни алдади, кейин эса очиқ дарвозага тўғри зарба бера олмади.

• 37'

  Рамоснинг яқин масофадан берган зарбаси рақиб ҳимоячисига тегиб, майдонни тарк этди.

• 35'

  Майдон эгаларининг хавфли тус олаётган қарши ҳужумини Варан бартараф этди.

• 33'
  

  Родригодан алданган Анхель Муньоз уни қўллари билан ушлаб қолди ва сариқ карточкага лойиқ кўрилди.

• 32'

  Зидан шогирдлари қанотларни тез-тез алмаштирмоқда.

• 30'

  Тезкор қарши ҳужумга югураётган Бенземани тўхтатиб қолишди.

• 29'
  

  Исакка тезликда ета олмаган Менди уни қўполлик билан тўхтатди. Ҳакам эса уни огоҳлантирди.

• 26'

  Винисиуснинг хавфли узатмасини Ариц Элустондо базўр қайтаришга эришди.

• 24'

  Карвахалга нисбатан қўпол ҳаракат қилган Барренеччеа огоҳлантирилди.

• 23'
  

  Корнердан узатилган тўпга интилган Рамос рақибига нисбатан қўполлик ишлатди.

• 22'

  Дарвозабоннинг тўпни ўйинга киритишдаги хатоси Родригонинг жарима майдончасига етказган узатмаси билан тугади. 

• 19'

  Майдоннинг "Реал" учун ажратилган тарафида "қаймоқранглилар" тўп назоратини эгаллаб турибди. Мезбонлар прессингда.

• 17'
  

  Кросс ўйиндан ташқари ҳолатда қолиб кетди.

• 15'

  Винисиус 3 рақиби қаршисида ожиз қолди.

• 14'
  

  Бенземанинг узоқ масофадан йўллаган зарбасини дарвозабон ушлаб олди.

• 12'

  Бир неча дақиқадан бери "қироллик клуби" вакиллари тўпни рақибга бермаяпти.

• 10'

  Менди қанотдан яхши рейд уюштирди. Бироқ уни йиқитишди. "Реал"да стандарт вазият юзага келди.

• 9'

  Энди сан-себастьянликлар тўпни ўзларида назорат қилмоқда. Меҳмонлар прессингда.

• 6'

  Бензема "Сосьедад" футболчиси билан ҳаводаги курашда тўқнашиб кетди.

• 4'

  Родригонинг узатмасини рақиб ҳимоячиси қайтарди. Меҳмонлар ўйинни фаоллик билан бошлади.

• 2'

  Илк дақиқадалардан мадридликлар тўп назоратини қўлга олишга интилмоқда.

• 1'
  

  Учрашув бошланди!

• 0'

  Ўйинолди маросимлари ўтказилмоқда. Оз қолди...

• 0'

  Футболчилар майдонга тушиб келмоқда. Ўйин бир неча дақиқалар ичида бошланади.

• 0'

  Ассалому алайкум, ҳурматли футбол ихлосмандлари! Танловингиз марказида бўлиш ёқимли.