"Реал" Модричнинг ўрнини 100 миллионлик футболчи билан тўлдирмоқчи

Миланинг "Интер" клуби футболчиси, италиялик ярим ҳимоячи Николо Барелла Испания чемпионатига кўчиб ўтиши мумкин. Бу ҳақда Todofichajes портали хабар берди.

Манбага кўра, Барелланинг хизматларига Мадриднинг "Реал" клуби қизиқиш билдирмоқда. "Қироллик клуби" 28 ёшли футболчини жамоадан кетадиган Лука Модричнинг ўрнига асосий номзод сифатида кўриб чиқмоқда.

Барелла "нерадзурри" билан 2029 йил июнь охиригача амалдаги шартномага эга. "Интер" италиялик футболчининг трансфери учун 80–100 миллион евро атрофида маблағ сўрамоқда.

Ўтган А Серия мавсумида Николо Барелла 33 та ўйинда майдонга тушиб, 3 та гол урди ва 6 та голли узатма берди.