"Реал" мухлислари учун ажойиб хушхабар

Мадриднинг “Реал” клуби бош мураббийи Карло Анчелотти ҳужумчи Карим Бензема жароҳатидан тўлиқ фориғ бўлгани ва Ла Лиганинг 7-тури доирасида бўлиб ўтадиган “Осасуна”га қарши ўйинда иштирок этиши мумкинлигини айтди.

"Бензема жуда яхши жисмоний ҳолатда. Эртага у дастлабки дақиқалардан майдонга тушади. 

Нега у охирги ўйинларда гол ура олмаяпти? Чунки Карим ўйинга тушмади (кулади). У ҳар доимгидек машғулотларда аъло даражада қатнашмоқда", - деди Анчелотти матбуот анжуманида.

"Реал" - "Осасуна" учрашуви 2 октябрь куни "Сантьяго Бернабеу"да бўлиб ўтади ва Тошкент вақти билан соат 00:00да бошланади.