"Реал" мухлислари учун хушхабар!

Мадриднинг "Реал" клуби анчадан бери ҳимоя чизиғидан кадрлар муаммосига дуч келмоқда. Бироқ вазият яхшилана бошлади.

Хабарларга кўра, ўнг қанот ҳимоячиси Даниэль Карвахаль жароҳатидан тикланиб, умумий гуруҳ машғулотларига қўшилган. 29 ёшли футболчи февраль ойида ўрталаридан бери майдонга туша олмаяпти. У сонини шикастлаб олгани учун сафдан чиққан эди.

Ўша пайтда Дани 2 ойни ўтказиб юбориши тахмин қилинганди. Ушбу ҳафта испаниялик фулбек тўп билан ишлашни бошлади ва катта эҳтимол билан, ФИФА кунларидан кейин асосий таркибда майдонга тушишга тайёр ҳолатда бўлади. Аввалроқ, мадридликларнинг яна бир етакчиси Серхио Рамос жароҳат туфайли бир неча ўйинни ўтказиб юбориши мумкинлиги айтилганди.

Карвахаль жорий мавсум 12 та ўйинда "қироллик клуби" шарафини ҳимоя қилиб, ўз ҳисобига 4 ассистни ёздириб қўйган.

Фикрлар

Фикр қолдириш учун авторизациядан ўтинг!