"Реал" мухлислари учун яхши янгилик!

"Реал" ҳужумчиси Карим Бензема тез орада Мадрид клуби билан шартномасини узайтиради, дея хабар берди журналист Николо Скира ижтимоий тармоқлардаги саҳифаси орқали.

Манбага кўра, франциялик футболчи жамоа билан 2024 йилнинг ёзига қадар амал қиладиган янги битим имзолайди. Ҳозирча келишувда Каримнинг маоши қанчага ўзгариши мумкинлиги ҳақида маълумотлар кўрсатилмаган. Футболчининг “қаймоқранглилар” билан амалдаги шартномаси 2023 йилнинг ёзида якунига етади.

“Тransfermarkt” портали Франция терма жамоаси аъзосининг нархини 30 миллион еврога баҳолаган.

Ўтган мавсум якунида 34 ёшли форвард Ла Лига ва Чемпионлар лигасининг энг яхши тўпурарига айланганди. Айни дамда француз "Олтин тўп" учун курашда асосий фаворит ҳисобланади.