"Real" muxlislari uchun zo‘r xushxabar!

“Real”ning so‘nggi o‘yinlarini o‘tkazib yuborishga majbur bo‘lgan etakchilar – Karim Benzema va Luka Modrich jarohatidan forig‘ bo‘lib,  "Osasuna"ga qarshi bo‘ladigan Ispaniya kubogi final uchrashuvida maydonga tushadigan tarkibga kiritildi.

Eslatib o‘tamiz, Benzema "Real Sosedad"ga qarshi (0:2) La Liganing so‘nggi o‘yinida jamoasiga yordam bera olmadi. Modrich sog‘ligi sababli "Real"ning so‘nggi ikki rasmiy o‘yinini o‘tkazib yubordi.

“Real” va “Osasuna” o‘rtasidagi Ispaniya kubogi final bahsi 6 may, shanba kuni bo‘lib o‘tadi. Uchrashuv Sevilya shahrida bo‘lib o‘tadi.